متابعة:الرؤية نيوز
في زمن بقت فيه منتجات التجميل مكلفة ومليانة مواد كيميائية ظهر حل بسيط وطبيعي وموجود في كل بيت بذور الكتان اللي تمنها مش بيعدي العشرين جنيه بتحتوي على مكونات فعالة بتشتغل على تأخير ظهور علامات السن وتساعد في تجديد خلايا البشرة وكمان بتحفز الجسم على إنتاج الكولاجين الطبيعي اللي بيدي للوجه نضارة وحيوية من غير تدخلات خارجية ولا كريمات غالية.
ماسك طبيعي سهل الاستخدام يشد الجلد ويزيل التصبغات
اللي بيستخدم بذور الكتان بشكل يومي سواء في الماسكات او حتى عن طريق الاكل بيلاحظ فرق حقيقي في ملمس بشرته ونضارتها في وصفة مجربة وسهلة بتتكون من معلقة كتان مطحونة مع شوية عصير ليمون ونشا وجل صبار المكونات دي بتتخلط كويس وبتتحط على الوش لمدة ساعة وبعدها بيتغسل بمية ساقعة وبتدهن بزيت الكتان وده بيحافظ على الترطيب ويزود مرونة البشرة كمان ممكن تغلي شوية كتان لحد ما يتكون جل خفيف وتحفظه في برطمان زجاج وتحطه على الوش كل يوم ربع ساعة وده ماسك سريع للناس اللي وقتها دايق.
فوائد اضافية بتخلي بذور الكتان اختيار ذكي للبشرة والجسم
غير التجميل بذور الكتان ليها فوائد صحية كبيرة بتساعد على تقليل الالتهاب في الجلد وبتحمي البشرة من الجفاف والتشقق كمان بتمنع ظهور الحبوب لانها بتنظف المسام وبتقلل من الزيوت الزايدة الموجودة في البشرة والاهم انها غنية بالاوميجا اللي بيغذي الجلد من جوه ويحسن مرونته ويخليه شكله اصغر وانعم كمان لو اتاكلت على الريق او اتضافت للعصاير بتدعم الهضم وتنظف القولون من الرواسب اللي بتأثر على نضارة الوجه.
